1. MÅLSETTING

Biblioteket er ei lovfesta kommunal teneste som stimulerer til opplevelse, kunnskap og dannelse gjennom sosial og fagleg utvikling både i fellesskap og individuelt.

2. AKTIVITETAR

2.1 BESØKS- OG UTLÅNSTAL

Nøkkeltal for  2016:

• Det totale utlånet gjekk ned med 2% frå 48 726 til 47 646.  
• Talet på besøkande gjekk opp 3,1% frå 34 224 til 36 327. 
• Heimesidene hadde 14983 sidevisninger, 6043 besøk og 3823 unike besøkande. Det siste tallet er ikkje langt fra tallet på fysiske bibliotekbrukarar og relativt høgt i fylket. Vi hadde 43732 katalogsøk, opp 32%. Besøk på bloggen Les for meg, pliiis!!! er ikkje telt.
• Biblioteket hadde ei side på Facebook med 972 venar ved utgangen av året, opp frå 909.
• Lånet av bøker til voksne gjekk ned med heile 12,4% frå 23 712 til 20 632.
• Lånet av bøker til barn gjekk opp med heile 21% frå 15 798 til 19 141, biblioteket sitt beste resultat.
• Lånet av andre medier gjekk ned til 6 997 i 2016, ein reduksjon på 15%. Tallet på utlånte ebøker var 1214, ein auke på 10%.
• Lån ved den enkelte avdelinga frå 1972 til 2016 finn ein her
• Med lån av andre medier meiner ein desse medier

2.6 ANDRE AKTIVITETAR

Det blei arrangert følgjande spesielle tiltak i 2016:  

• I februar arrangerte vi ein forfattarturné med Jørn Lier Horst. Dei aller fleste elevane i 5- til 7. trinn i kommunen, fleire hundre elevar, fekk oppleve han. Han besøkte også Haram folkebibliotek og på Kulturkféen møtte 70 voksne fram.
• I april arrangerte vi hår ein hår dag ved Flettemette ved biblioteka på Vatne og i Brattvåg. 38 møtte fram, der 12 fekk seg fletter.
• 2016 var det første året i mange år vi ikkje hadde ein polsk filmkveld ved kinoen.
• Om våren prøvde biblioteket å organisere timebesøk med ordføraren og varaordføraren. Desse møtte velvillig opp, men det var for interesse. Sidan politikarane hadde ein tett timeplan, blei tiltaket avvikla.
• Frå juni til august organiserte vi Sommarles, ein lesekonkurranse for barn mellom 0 og 13 år i kommunen. Med 291 deltakarar satt vi ny rekord. Deltakarane med foreldra blei invitert til ei avslutning med ungarske hoppetau jenter i september. 118 voksne og barn møtte fram. Premiar og diplom blei delt ut.
• Språkkaféen i samarbeid med Haram Frivilligsentral blei arrangert kvar 14. dag fram til september. Det var vanskeleg å finne frivillege å ta over, slik at dette blei avslutta.
• Til stor glede for dei små og for biblioteket har ein hatt fleire eventyrtimar med Eventyrkua (alias ,Lisa Alvestad), som las eventyr etter forespørsel og invitasjon.
• I løpet av året har lesesirkelen på Vatne med åtte medlemmer møtt 10 gangar.

Faste aktivitetar varierer frå avdeling til avdeling, avhengig av areal, tryggleik, fasilitetar og bemanning. Generelt utfører biblioteket desse tenestene:

• Internettilgong for publikum ved 3 avdelingar.
• Eksamenslokale i Brattvåg.
• Utstillingar.
• Klassebesøk, eventuelt med orientering.
• Lokalhistoriske tenester.
• Oppvisning, foredrag eller debatt
• Hjelp med offentleg informasjon.
• Hjelp med grunnleggande datakunskap.
• Flyktningehjelp.
• Oppsøkande tenester.
• Framandspråklege tenester.
• Rådgjeving i bibliotekspørsmål.
• Depotsamlingar.
• Utlån av lokale.

3  TILVEKST AV NYE MEDIERESSURSAR

Nøkkeltal for 2015:

• Biblioteket hadde ein tilvekst på 2422 bøker, lydbøker, filmar m.m..
• 1011 bøker m.m. blei kassert.

4 ØKONOMI
  

Ein hadde i utgangspunktet ein budsjettreduksjon på kr. 47.000 i 2016. Rekneskapen viser at ein klarte dessverre ikkje å halde seg til dette, ved å bruke kr. 26.279, eller 1 %, for mykje. Det har vore eit mål å spare der ein kan for å oppretthalde eit forsvarleg mediebudsjett.

5. PERSONALE

Synnøve Moe Klokk, Vigdis Farstad, Lisa Alvestad, Elise Remme Reitan, Anita Hildre og David Beadle har vore tilsett i 2016. Regelmessige vikarar har vore Kristin Ulstein Farstad, Synne Remme Reitan, Sarvini Selladurai og Yulia Efimova. David Beadle har vore delvis sjukemeldt sidan juli.

Bemanninga i Haram er på 0,26 pr. 1000 innbuarar, noko som er langt under gjennomsnittet (0,33 i Møre og Romsdal og 0,35 i Norge). Når vi samtidig har ein høgare utlånsaktivitet og vel fleire avdelingar enn gjennomsnittet, blir dette eit mål på effektiviteten og kjempeinnsastsen til personalet, som får mange positive tilbakemeldingar frå brukarar alle stader i kommunen.

6. INN- OG UTLÅN ANDRE BIBLIOTEK

Nøkkeltal for 2016:

• Biblioteket lånte inn 981 bøker og annet materiell frå andre bibliotek i 2016, ein betydeleg nedgang, (684 i 2011; 714 i 2012; 1160 i 2013; 1227 i 2014; 1602 i 2015).
• Biblioteket lånte 1863 bøker og annet mateiell til andre bibliotek, ein betydeleg oppgang, (408 i 2011; 566 i 2012; 1126 i 2013; 1237 i 2014, 1231 i 2015).

  Auken i trafikken både inn og ut dei siste åra har samanheng med oppretting av eige transportnettverk for bibliotek og biblioteket si satsing på fjernstudentar og autodidaktar i kommunen.

Samsøket stod for 682 lån til andre bibliotek. Talet er ikkje spesielt høgt, men likevel høgare enn Molde og Kristiansund og det høgste pr. innbuar samanlikna med mange fylke.

7. PROSJEKT OG SAMARBEID

Biblioteket har vore mindre involvert i fellesprosjekt i fylket enn tidlegare, men det har vore færre fellesprosjekt. Elise Remme Reitan og David Beadle har skrive henholdsvis ungdomsbokomtaler og filmomtaler for dei felles nettsidene i fylket, og skriv etter forholda meir enn andre bibliotek. Samarbeidet med barnehagane held fram, men i litt mindre grad i 2016 enn 2013-2014. Mest samarbeid har vore med Haramsøy barnehage, Tryggheim Brattvåg, Tennfjord barnehage, Tryggheim Vatne og Utigarden barnehage. Samarbeidet med skulane har auka i 2016 i form av fleire klassesett, meir dialog med Brattvåg ungdomsskule, auka klassebesøk og forfattarbesøk. Dei største samarbeidspartnarar har vore Vatne barneskule, Haramsøy skule, Brattvåg ungdomsskule, og Brattvåg barneskule. Samarbeid med Frivillegsentralen blei redusert frå september. Fylkesbiblioteket organiserer ei felles transportordning som Haram bidreg økonomisk til. Lisa Alvestad blei valt til leiar i Norsk Bibliotekforening, avd. Møre og Romsdal om hausten.

 

 

8. FAGLEGE KURS OG MØTEVERKSEMD 2016
 
 

Dato	Stad	Aktivitet	Deltakarar	Finansiering
15.-16.3	Kristiansund	Bibliotekleiarmøte fylke	David Beadle	Biblioteket
28.4	Ålesund	Integrering 2.0	Lisa Alvestad	Biblioteket
11.-12.9	Ålesund	Bibliotekdagane	David Beadle & Lisa Alvestad	Ingen
4.10	Ålesund	Axiell	Lisa Alvestad	Biblioteket
3.-4.11	Stockholm	Mikromarc brukermøte	David Beadle	Biblioteket

 

9. RESULTAT FOR 2016

• Godt samarbeid med skular og frivillegsentralen.
• Utlånsnivået over gjennomsnittet sidan 2000, takka vere utlånet av bøker.
• Aktivitetsnivået var over det vanlege for eit lite bibliotek.
• Vellykka eventyrtimar.
• Ein søknad om prosjektstøtte til lettlese bøker for innvandrarar førte ikkje fram.
• Beskjeden respons på ebok-tilbodet.
• Rekordstor deltaking på Sommarles.
• Oppretting av ordførartimar vekte ikkje interesse hos brukarane.
• Språkkafé blei lagd ned i september grunna mangel på frivillege.

 

10. PLANAR FOR 2016

• Oppretthalde samarbeidet med barnehagane og skulane.
• Marknadsføre Vatne filial.
• Arbeide for ei permanent lokalisering av Vatne filial.
• Utvikle eventyrtimar for dei minste.
• Gi råd til ungdomsskulane om utvikling av skulebibliotektenester.
• Oppretthalde samarbeidstiltak med heimesjukepleien, omsorgssentra og Brattvågsenteret.
• Oppretthalde eit godt tilbod for innvandrarar og utanlandsk arbeidskraft.
• Arrangere forfattarbesøk.
• Planlegge nytt hovedbibliotek.
• Vurdere bibliotekstrukturen i forhold til endringar i infrastruktur og demografi.
• Gjennomføre forabeidet som kommunereformen kan føre med seg.

David Beadle
Bibliotekleiar
den 16. april 2017